Plagoset një person në Fushë-Kosovë

12:19 | 13 Nëntor 2021
A. B.

Një person është plagosur në rrugën “Nënë Tereza”, në Fushë Kosovë.

Rastin për arbresh.info e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 09:30, policia ka marrë informacionin për një plagosje me arme zjarri në rrugën “Nëna Terezë” në Fushë Kosovë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Bazuar në të dhënat fillestare, në këtë rast një person është plagosur, dhe i njëjti është dërguar për tretman mjekësor”, tha Ahmeti.

Tutje Ahmeti konfirmoi se i dyshuari është identifikuar dhe se është në kërkim të policisë.

“Lidhur me këtë rast është identifikuar personi i dyshuar i cili është në kërkim nga ana e policisë. Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”, përfundoi ajo. /arbresh.info /

Shpërndaje në rrjete sociale

Lajmet më të lexuara

Të ngjashme

Foto lajm